Thlawhtheihna tlaah Malawi Vice President a thi

Malawi vice president Saulos Chilima leh mi dang pakua chu Chikangawa ramhnuaia thlawhtheihna tlaah an thi.

Vice President Chilima chuanna sipai thlawhtheihna hi June 10 khan an ram khawpui, Lilongwe aṭangin Mzuzu International Airport panin a thlawk chhuak a, mahse a ṭum hun tur, minute 45 hnuah a ṭum tak loh avangin an chin hriat lohin an awm a, aviation lama thuneitute chuan an biakpawh theih loh thu an sawi. Hemi hnu hian President Lazaru Chakwera chuan thlawhtheihna hi zawng turin thupek a tichhuak a, Bahamas-a a zin tum pawh a ṭhulh nghal bawk.

Hun eng emaw chen thlawhtheihna hi an zawn hnuin, nimin khan Chikangawa Forest-ah thlawhtheihna tla hi hmuh a ni a, a chuangte pawh an thi vek tih President secetary, Colleen Samba chuan nimin khan a sawi.