Argentina dictator kum 20 tang turin hrem

Argentina Court chuan an rama dictator hnuhnung ber, Reynalbo Bignone chu Operation Condor-a a tel ve avangin kum 20 tang turin a hrem.

Court hian Operation Condor hi international border kaltlanga mi rukbo leh chin hriat loha dah zuina, pawikhawihna lian tak a ni, a ti. He operation hi kum 1975 kha kalpui ṭan a ni a, he ruahmanna hnuaiah hian Argentina, Chile, Paraguay, Bolivia, Uruguay leh Brazil-a military dictator-te chuan politics lama an hmelma leh anmahni dodaltute chu man an nih theih nan chanchin inhrilh tawn zel an remti a ni. Operation Condor hnuaiah ihan mi 376 thah an nih thu BBC chuan a tarlang. An mi duhte hi man an nih hnuah, chin hriat lohin an awm zui a, a ṭhen chu an ruang hi hal a ni a,
ṭhenkhat chu damdawi-a hrai ruiin a nung chung≠in sipai thlawhtheihna aṭangin Atlantic Ocean-ah paih an ni .

Argentina court chuan sipai officer hlui 14-te chungthu pawh ngaihtuahin hrena a pe nghal bawk.

Kum 1982-83 chhunga Argentina-a roreltu, Bignone hi mi 100 rukbo leh chin
hriat loha dahbo an nihnaa inhnamhnawiha puh a nih bakah, a thu≠neihna dik lo taka hmang≠a puh a ni bawk. Kum 88 a ni tawh a, thubuai danga thiam loh chantir a lo ni tawh avangin jail tantir a lo ni tawh bawk.