France railway-a thawkte an nuar

France railway hnuaia thawkte chu sorkarin labour law siamṭhat a tum duh lohna lantirin nawrh an huaihawt. Hnathawkte nawrh huaihawt hian transport network lamah harsatna a thlen nasa hle.

Hetihlai hian France President Francois Hollande chuan union lamin nawr mah se, an thutlukna siamah tawlh an tum lo tih a sawi. Bill siamṭhat tura ruahmanah hian awlsam zawka hnathawktu lak leh, ban an nih theihna tur pawh a tel a ni.

Paris-a metro staff-te chuan Ningani aṭang hian tiam chin awm loa nawrh an tum a, Air France pilot-te pawhin an hlawh chungchanga an lungawi loh vangin nawrh an tum bawk.

Land reform bill-ah hian hnathawkte hlawh tihtlemsak turin firm-te chu zalenna zau zawk pek an ni dawn a, hetihlai hian hnathawkte tan chawlh dil theih dan awlsam zawk siamsak an ni bawk ang.