EU-in Russia official-te hrekna siam dawn

European Union foreign minister-te chuan Russia eptu  hruaitu, Alexei Navalny tura hrai a nih chungchangah Russian official leh pawl ṭhenkhat lakah hrekna siam an remti. 

Luxembourg-a meeting an neihah, France leh Germany ram chuan EU ram dangte chu Navalny beihnaa inhnamhnawiha puh official leh organisation-te chu an rama zin khap tur leh, an thil neihte pawh khawih chet theih loha dah sak turin an nawr a ni. Hei hi member state-te chuan an remti vek tih EU foreign policy chief Josep Borrell  chuan a sawi. 

Anti-corruption investigator leh politics lama Russia president Vladimir Putin khingpui, Naval­ny hi August 20 khan thlawh­theihnaah a chuan laiin a dam loh vangin nikhaw hre loin a awm a, Germany-ah enkawl zui niin damdawi-in aṭangin a chhuak tawh. Tur hmanga hrai nia sawi a ni a, kar liam ta khan  Organization for the Prohibition of Chemical Weapons chuan Navalny hi Novichok nerve agent hmanga hrai ngei a ni tih a tichiang tawh.