Mecca-ah Hajj hmang turin mi mtd 1.5 chuang pung khawm

Gaza Strip-a Israel leh Hamas-te indona thlen mek karah, kum khata Muslim-te hun pawimawh, Hajj chu nimin aṭang khan ṭan niin, Saudi Arabia-a Mecca-ah biakzinaa kal Muslim mi maktaduai 1.5 chuang an pung khawm.

Thla riat chuang zet Gaza-a indo tawh avang leh, kumin May thla aṭanga Rafah crossing chu khar a nih bawk avangin Gaza-a Palestinian mite erawh kumina Hajj hmang tur hian an kal ve thei lo thung. Mahse West Bank aṭang erawh chuan mi 4,200 vel an kal niin Palestinian thuneitute chuan an sawi.

Saudi Arabia thuneitute chuan Hajj hmanga kal hi an la pun belh zel a rin thu leh, mi maktaduai hnih an tlin chhoh an beisei thu an tarlang.

Hajj hi Five Pillars of Islam zinga mi niin, Muslim sakhaw zuitute chu an taksa a hrisel ṭha a, sum leh pai lamah dinhmun pangngai an nih chuan an dam chhunga ni nga awh Hajj hi vawi khat tal tel tura beisei an ni.