China zirlaibu-a Bible thawnthu telh vangin sawisel

Beijing secondary school zirlaibu-ah Bible thawnthu telh a ni a, hei hi mi tam takin an sawisel.

Beijing Academy of Educational Science (BAES)-a thawk pakhat chuan zirlaibu-ah hian Bible-a Genesis aṭanga lak thawnthu ṭhekhat an telh a, hei hi zirlaite khawhawi tihzau a, khawthlang ram thawnthu leh rindante an hriat theihna atana tih an nih thu a sawi.

Zirlaibu-ah hian Chinese thawnthu eng emaw zat telh a ni bawk a, middle school zirlai-ten Chinese language class atan an hmang ṭhin.

BAES textbook centre director, Wang Kai chuan he zirlaibu hi Beijing khawpuia secondary school 40% velin an hmang niin a sawi.

Online lamah pawh Bible thawnthu telh hian sawizui a hlawh hle a, mi ṭhenkhat chuan China education law a kalh nia sawiin, an ram education law chuan zirna leh sakhaw thilte a dah hrang a ni, an ti.