Suu Kyi-in Rohingya pual committee a ho dawn

Myanmar State Counselor, Aung San Suu Kyi-i chuan an rama Rakhine state-a Rohingya Muslim-te dinhmun ngaihtuah sak a, an hmasawnna tur buaipuitu tur committee din thar a ho dawn.

Rohingya te puala committee din tur hi US Secrtary of State John Kerry-an Myan≠mar a tlawh hnuah puan a ni. Kerry hian Myanmar foreign minister ni bawk, Suu Kyi-i chu an rama mihring dikna chanvo humhalh≠naah chak zawka hma la turin a ngen a, Rohingya-te chungchang pawh hi a sawipui a ni.

State chanchinbu, Global New Light of Myanmar chuan committee din tharah hian cabinet member 19 an awm dawn niin a tarlang. Committee hian Rakhine state-a Rohingya-te chhawmdawl hna thawktu, UN agency leh international NGO-te hna thawh dan an enpui bawk ang.

Rohingya Muslim-te hi Myanmar ramah hian hunrei tak lo c heng tawh mah se, sorkar ian Bangladesh aṭanga pem luh angah ngaiin khua leh tuiah a la pawm thei lo a ni.

Kum 2012 kha Rakhine state-ah Buddhist leh Rohingya inkarah hian buaina a chhuak a, mi 160 zetin an thihphah a ni. Buaina chhuak avanga tlanchhia, Rohinya mi 120,000 vel chu tun thlengin camp 67-ah an la khawsa a, an khawsak a harsa hle nia sawi a ni. March thlaa sorkar thar kuta thuneihna hlan a nih hma lawk khan Rakhine state-a emergency puan chu hlih a lo ni tawh a ni.