UN-in Mali-a UN camp beih a dem

United Nations Security Council chuan Mali hmarlam, Gao-a United Nations Multidimensional Integrated Stabilization Mission in Mali (MINUSMA) camp beih a ni chu an dem thu an sawi.

MINUSMA camp hi Thawhlehni kha firfiakten an bei a, UN muanna sipai zinga China sipai pakhat a thi a ni.

UNSC chuan thuchhuah siam≠in, pawikhawihna thleng chu an dem thu leh, nunna chan ta Chinaa sipai chhungte leh China sorkar an tawrhpui thu a sawi. Mali sorkar chu he pawikhawihna thleng hi rang taka chhui a, camp beitute chungah an phu ang hremna pe ngei turin an phut thu a tarlang bawk.

UN Secretary General Ban Ki-moon pawhin Gao, Mali-a firfiakten UN mi leh sate an bei chu a dem thu leh, he thil thleng hian a thin a tih ur thu a sawi.

MINUSMA camp beih a ni hma hian Mali ramah vek hian UN muanna sipaite chu beih an lo ni tawh bawk a, Togo sipai panga an thi a ni.