Firfiak pawl zingah IS a hausa ber

Islamic State (IS) firfiak chu ṭangrual ramte beihna avangin an sum lakluhnate tlahniam mah se, kum 2015-ah dollar tluklehding≠awn 2.4 zet a la lalut tho a, hei vang hian khawvela firfiak pawl zingah hausa ber a la ni.

Firfiak pawl hian ṭangrual ramte beihna avang hian oil aṭanga an sum laklut tlahniam mah se, kawng dang an dap a, mipuite hnen
aṭanga chhiah an lakte nasa takin an tisang a ni.

Centre for the Analysis of Terrorism chuan IS sum neih dan report hi a tichhuak a, kum 2015-a an sum lakluh hi a hma kum aiin dollar maktaduai 500 vel zetin tlahniam mah se, dollar tluklehdingawn 2.4 vel an la lut pha niin a tarlang.

IS hian Iraq leh Syria ram an luah chhunga chengte hnen aṭanga sum an khawn aṭangin kum 2014 khan dollar maktaduai 360 an la lut a, kum 2015-ah dollar maktaduai 800 zet an la lut bawk.

Kum 2015 kumtawp thlenga IS firfiakte thununna hnuaia awm, oil reserve, gas reserve, mineral leh suma chantir theih dang an neihte hlut zawng hi dollar tluklehding≠awn 2,260 vel nia chhut a ni a, kum 2014 aiin a hlut zawng hi 11% in a pung a ni.

Ṭangrual ramten firfiakte lakah beihpui an thlak hnuah an ram lak tawh zinga 40% chu lak let sak an ni tawh a, mahse hetichung hian IS-te ram awp chin huam chhung≠ah hian mi maktaduai 8 zet an la awm a ni.

Oil aṭanga an sum hmuh a tlak≠hniam avangin IS hian chhiah lak an tipung a, chhiah aṭanga an sum lakluh chu kum 2014-a 12% chu 2015-ah 33% ah a pung a ni. Chhiah an lakna hrang hrangte chu - Income tax-ah 10%, business tax 15%, road tax, bank aṭanga sum lachhuakte hnen aṭangin 5% fee an la a, dam≠dawi-ah chhiah hi 35% zet a la bawk.