Israel sorkar lakah lungawi lohna lantir

Israel sorkar laka lungawi loten Thawhṭanni khan Jerusalem-ah rally huaihawtin, prime minister Benjamin Netanyahu thlak a nih theihna atan inthlan buatsaih an phut.

Israel-Hamas indona a thlen hnua wartime unity sorkar din chu kar liam ta khan centrist general hlui pahnih, Benny Gantz leh Gadi Eisenkot ten an chhuahsan a, hei vang hian Netanyahu hi ultra-Orthodox leh far-righ partner-te kutah a innghat lian tawh hle a ni.

Jerusalem leh khawpui dangah pawh kar tin deuhthaw sorkar laka lungawi lohna hi lantir a ni fo a, mahse Netanyahu kaihhruai sorkar hian Parliament-ah majority an la neih phak avangin, politics lama an dinhmun erawh a tibuai pha chuang lo a ni.

Thawhṭannia nawrh huaihawtte hi Israel parliament, Knesset bulah kal khawmin, Netanyahu chenna in lam panin kawng an zawh zui a ni. Pung khawm zinga ṭhenkhat chuan Israel flag an keng a, ṭhenkhat chuan Netanyahu sawiselna thu ziakte an keng bawk.