Philippine president-in ruihhlo zuarte that turin mipui fuih

Philippine president thar Rodrigo Duterte chuan an rama pawikhawihna thleng ṭhin tihtawp leh ruihhlo tihrem tuma a hmalaknaah mipuite thlawpna a ngen a, ruihhlo zuar man tura tih te chuan an lo bei let a nih chuan silaia kap mai turin a hrilh.

Kar kalta Inrinni khan Davao khuaah inthlana-a a chak lawmna inkhawm buatsaih a ni a, he thu hi a sawi a ni. Pawikhawihna thleng
ṭhin umbo tura a hma≠lakna puitute chu lawmman siamsak an ni ṭhin dawn tih a sawi bawk.

Hun rei tak Davoa mayor lo ni tawh, Duterte hi May 9-a president thlanah khan thlan tlin a ni. A campaign-naah president-a thlan tlin a nih chuan, thuneihna a chelh
aṭanga thla ruk chhung≠in pawikhawihna leh eirukna hluar zel chu tihtawp a tiam a ni. June 30 hian President atan lakluh a ni ang.

President thlan thar hian police general pathum, pawikhawihnaa inhnamhnawihte chu bang turin a ti bawk. Heng official-te hi an bang lo a nih chuan, mipui hmaah mualpho taka an hming puanzar a ni ang, a ti.