Japan tuipuiah China lawng lut

Japan chuan East China Sea island-a an ram tuipui china China coast guard lawnglian a luh avang leh, an awmna hmun chhuahsan tura an tih aṭanga ni thum hnuah pawh an la awm zui zel avangin China hnenah a lungawi loh thu a thlen. 

China lawnglian pahnihte hi Pathianni zing khan Japan tuipui chinah hian an lut nia sawi a ni a,  vawi eng emaw zat warning pein chhuak turin hrilh mah se an kalsawn duh lo niin Japan coast guard official-te chuan an sawi. 

Chief cabinet secretary Katsunobu Kato chuan China lawngte an kalsawn duh lo chu an lawm lo hle tih sawiin, Japan tuipui aṭanga la chhuak vat turin China thuneitute an phut tih a sawi a ni. Japan chuan tui, khawmual leh boruaka a ram chin chu a humhalh zel dawn a ni, a ti.