Russia-in Ukraine power grid a bitum

Russia chuan Ukraine a beih meknaah an energy facility lam a bitum leh.

Ukraine energy ministry chuan Russia hian thla thum chhungin energy infrastructure facility hi vawi riat a beihna a ni tih a sawi. Inrinni liam ta zan khan Russia hian energy infrastructure beihna atan hian missile 16 leh drone 13 zet a kap chhuak niin a sawi a, mahse Ukraine air force chuan missile 12 leh drone 13 an lo kap thla a ni, a ti.

Russia guided bomb thlak avangin Inrinni vek khan Ukraine hmarchhak lam, Kharkhiv-ah mi pathum an thi a, mi 18 an hliam bawk. Kharkiv regioinal governor, Oleh Syniehoubov chuan,"Civilian infrastructure beih niin,hei hi firfiaka chetna dik tak a ni. He district-ah hian sipaite ngaihven tur thil a awm lo," tiin a sawi.

Tun hnaiah Russia hian Ukraine energy facility lam a bei thar leh a, hei vang hian Ukraine-ah power khaihlak a awm phah fo a ni. President Volodymyr Zelenskyy chuan Russia-in March thla tawp lam aṭanga energy facility lamah beihpui a thlak thar leh hnuah, an rama kawlphetha an siam chhuahna chanve vel chu an tihchhiat sak tawh niin a sawi. Kar liam ta pawh khan Russia beihna avangin energy facility-a thawk mi pasarih an hliam a ni. European Union aṭangin kawlphetha hi an lei a, mahse hei hian an indaih lohna hi a phuhru pha lo a ni. Hei vang hian hian hmun pawimawh, hospital leh sipai hmun tih lohah chuan chhun lamah an in en chhawk fo a ni.