Kabul-a thihchilh bomb puakah mi panga an thi

Afganistan khawpui Kabul-a military academy bulah nimin khan tu tih hriat loh ten thihchilh bomb an tipuak a, a hmunah mi panga an thih bakah, mi dang 12-in hliam an tawrh thu interior ministry chuan a tarlang.

Bomb puak vanga thi, mi panga zingah hian civil mi pahnih an awm bakah sipai pathum an awm thu tarlan a ni. Hliam tuar mi 12 zingah hian mi panga chu civil mi an nih thu tarlan a ni bawk.

He thil thleng hi tute tih nge hriatchian a la nih loh thu thuneitute chuan an sawi. Bomb tihpuahna hmun hi Kabul-a sorkar din defence university, Marshal Fahim Military Academy bul a ni a, bomb tihpuah hun lai hi zing lam rush hour hun lai tak a nih thu tarlan a ni. 

Nikum November thla khan Kabul-ah hian zing lam rush hour hun lai takin bomb tihpuah a lo ni tawh bawk a, kha thil thlengah khan mi 12 an thi bawk.