Myanmar-in BBC reporter hrem

Myanmar rama BBC reporter chu thla thum chhung rim taka hna thawka jail tang turin Mandalay court chuan a hrem.

Reporter Nay Myo Lin hi BBC Myanmar language service-a thawk a ni a, zirlaiten nawrh an huaihawt a cover-naah police officer kut≠thlakah puhin thiam loh chantir a ni. A ukil, Thein Than Oo chuan court rorelna chu a dik tawk lo tih sawiin, police hi a tum reng vanga kut thlak ni loin, midangte puih a tumna vang a ni, a ti. Court sang zawkah appeal a tum tih a sawi.

Thein Than Oo chuan court thutlukna siam dan chu a zahthlak hle a ni tiin, police-te chuan journalist-te chu hmelma angin an en tur a ni lo, a ti.

He thil thlen hun hi kum 2015 March thla kha a ni. Yangon khawpuiah sorkarin education bill a siam thar duh lohna lantirin zirlaite chuan nawrh an huaihawt a, report Nay Myo Lin pawh chanchin ngaihven hian nawrh huaihawtna hmunah hian an awm a ni. Police officer hian nawrh huaihawt zinga pakhat chu a bike-in a su tlu a, Nay Myo Lin hian zirlai hi lo ṭanpuiin, police officer nen hian an intihbuai ta niin Thein Than Oo chuan a sawi.