Zirlai nawrh huaihawtte PNG police-ten kap

Papua New Guinea Prime Minister Peter O’Neill laka lungawi lohna lantira nawrh huaihawt zirlaite chu police-ten silaiin an kap.

Police-te silai hmehpuahah hian eptu MP pali an thi a, zirlai eng emaw zatin hliam an tuar nia sawi a ni.

Zirlaite hian an ram khawpui, Port Moresby-ah parliament panin kawng an zawh a, PM chu bang tur leh, eirua puh a nih chungchang chu sawifiah turin an phut a ni. Mahse PM chuan an puhna hi thu dik lo a nih thu leh, a ban lo tur thu a sawi.

University of Papua New Guinea zirlaite chuan PM ban phut hian hun eng emaw chen nawrh an lo huaihawt tawh a, thla hmasa chhung khan class pawh cancel a nih phah. Mahse PM chuan an puhna hi politics-a inbeihna mai a nih thu sawiin, thu dik lo niin a sawi a ni.

Kum 2012 khan Transparency International chuan Papua New Guinea hi khawvela eiruk hluar berna ram zingah a lo telh tawh a ni. Kum 2014 khan PM O’Neill pawhi hi national anti-corruption watchdog chuan dik tawk lo taka thilti ah puhin, manna tur thupek a lo tichhuak tawh a, mahse tun thlengin man a la ni lo. World Bak chuan he rama cheng zinga 70% chu mi rethei an nih thu a sawi.