Eiruk umbo tuma hmalaknaah police officer 302 ban

Kenya sorkar chuan an rama eirukna umbo tuma hma a lakna kal zelah police officer 302 te chu ban an nih thu a sawi.

Police officer ban takte hi police force siamṭhat tuma hmalaknaah ban an nih thu National Police Service Commission chuan a sawi. Heng officer zinga a tam zawk hi traffic department-a thawk an ni a, polcie hotu lu ber leh commission member, Joseph Boinnet-a hnen aṭangin banna lehkha hi an dawng thuai dawn a ni, a ti.

Kenya ramah hian police department hi eiruk hluarna ber niin anti-corruption watchdog Transparency International chuan a lo tarlang tawh a ni.

Sorakr thupuangtu, Eric Kiraithe chuan police department-a eirukna hian zung a kaih thuk tawh hle niin a sawi. Kum 2013, Decembre thla aṭang khan police officer 80,000 te chu chhuichian an ni a, an zinga tam tak chu human rights palzutah te, kum 2007-a an rama nawrh huaihawt ṭum tharum thawhna thlengah mi tam tak thihna thlen tirah puh an ni.