Russia eptu hruaitu damdawi-in ṭha zawkah sawn phal lo

Russia eptu hruaitu, tûra hrai nia hriat avanga Siberian damdawiina enkawl mek, Alexei Navlany chu damdawiin thuneitute chuan damdawiin ṭha zawka sawn an phal lo niin a thupuangtu, Kira Yarmysh chuan a sawi. 

Kum 44  mi, Navalny hi Ningani-a Tomsk aṭanga Moscow pana a thlawh dawna airport-a a thingpui inah tûr a tel nia hriat a a ni a, thingpui a in zawh hian dam loin nikhaw hre loin a awm zui a ni. Hei vang hian thlawhtheihna pawh emergency-in Omsak-ah ṭum tir a ni a, Omsk khuaa damdawiinah dah luh a ni. 

Yarmysh chuan nimin thleng khan nikhaw hre loin a la awm zel tih a sawi a, a chhungten a natna chhan tak hriat a nih theihna atan damdawiin ṭha zawka sawn an tum chu hospital lam hian an rem ti lo tih a sawi a ni. A enkawltu doctor hian a ṭha lo hle tih a hrilh a, hemi hnu hian zawh zui theih lohin a office-ah inkhung nghal tlat a ni, a ti.