France-in zu zawrh a khap dawn

France sorkar chuan an rama Euro 2016 khelh mekah, inkhelhna hmun khawpui hrang hrangte chu stadium awmna bul leh fan ho awmkhawmna bula zu hralh khap turin a ngen.

Kar kalta Inrinni khan Marseille khawpuia Russia leh England team inkhelh zawh hnuah, Russia fan-te chuan England fan-te tibuaiin buaina a chhuak zui a, Uefa chuan he thil thleng chungchang hi a chhuizui mek a ni. Russia fan-te kutthlak avang≠in England fan 20 velin hliam an tuar a, mi eng emaw zat chu damdawi-inah hruai an ni a, mahse an dinhmun a ngaihtuah≠awm lo nia sawi a ni.

UK sorkar chuan Ningani-a Lens-a England match neih leh turah England fan-te himna ngaihtuahin, a ṭul a nih chuan venhim hna thawk tura British police tirh an inhuam thu France sorkar a hrilh.

France Interior Minister Bernard Cazeneuve chuan, "Inkhelh ni leh a hma ni chiaha zu hralhchhuah leh in khap a nih theih nan hian a ṭul anga hma la turin khawpui hrang hranga thuneitute kan ngen a ni" a ti. Marseille khawpuia buaina chhuak chu roreltu leh mipuite tan leh, football ngaihnatute tan ngaihthiam theih a ni lo, a ti.

Lens khawpuiah chuan zu hralhchhuah khapna hi siam a ni tawh a, hei bakah hian ticket nei lo fan-te chu inkhel en tuma kal ve kher lo turin a chah bawk.