Lebanon-a intihbuainaah mi 100 in hliam tuar

Lebanon khawpui, Beirut-ah Inrinni khan nawrh huaihawtte leh riot police-te inkarah buaina nasa tak chhuakin, mi 100 velin hliam an tuar. 

ṭ

Kum 2019, October 17 aṭang khan Lebanon-ah hian sorkar lakah lungawi lohna lantirin nawrh huaihawt a ni fo a ni. Mipui lungawi lote hian sorkar chu a kalphung siamṭha tur leh, eirukna do tura nasa zawka hma la turin an phut a ni. Inrinnia nawrh huaihawtte hian Parliament headquarters lam pan an tum a, mahse he kawnga security force-te daidanna an lo siam chu tihchhiat tumin police-te nen hian an innawr  buai zui ta a ni. Mipuite hian lung leh thingṭang ten security force-te hi beiin, riot police-te hian water cannon leh tear gas te an hmang bawk.