Saudi lalin defence official paruk a ban

Saudi Arabia lal, King Salman chuan an ram defence official paruk a ban a, an zingah hian lal chhungkaw member pahnih an tel. 

Prince Fahad bin Turki chu Yemen-a Saudi kaihhruai Arab ram ṭangrual sipai commander a nihna hlih sak a ni a, a fapa Abdulaziz bin Fahad pawh deputy governor a nihna aṭangin ban a ni bawk. An pafa bakah Defence Ministry-a official dang palite chu sum tihchingpen kaihhnawihah chhui an ni dawn a ni. 

King Salman-a fapa, Crown Prince Mohammed bin Salman kaihhruaiin an rama eirukna thleng nia sawite chhui hna hi kalpui mek a ni a, hetih lai hian sawiseltu lam chuan Crown Prince hian thuneihna a channa tura a kawng dal theitu tur nia ngaihte paihthlakna remchangah a hmang niin an puh thung. 

Kumin kumtir lam khan lal chhung member pathumte chu  man an lo ni tawh bawk a, an zingah hian lal unaupa Prince Ahmed bin Abdulaziz leh crown prince hlui Mohammed bin Nayef-te pawh an tel.