Beer bura Gandhi-a lem dahin boruak a ti sosang

U.S. company-in an zu siamchhuah (Beer)hming atana "Gandhi-Bot" an sak tuamna a Gandhi-a lem an dah chu duhlohna a nasa hle a, hnampa zahlohna a ni tiin Hyderabad High Court-ah petition thehluh a ni a. Zu siamtute hian thupha an chawi tawh a ni.

Connecticut-a hmunpui nei New England Brewing Company te erawh chuan hnampa zahna leh remna atana a inpekna lawmna atana dah an nih thu sawiin Gandhi-a tunu leh tupa te pawhin ṭha an tih thu an sawi niin thiamthu an sawi ve thung.

Ukil pakhat chuan India hnampa zu uma a lem dah leh lantir a ni chu India Dan hnuaiah hrem theih leh thiamloh channa a ni tiin XI Metropolitan Magistrate, Cyberabad, Sunkari Janardhan Goud-ah petition a thehlut a ni.

Petition-a tarlan danin zu siamtu te hian Prevention of Insults to National Honour Act, 1971, leh 124-A of IPC (related to us inflammatory words, signs or visible representation) an bawhchhe chiang a ni a ti. Petition hi vawiin hian ngaihtuah a ni ang.

New England Brewing Company hotupa Matt Westfall chuan 'India mite rilru kan tina a nih chuan ngaihdam kan dil tak meuh meuh a ni.Pawi kan ti a, midang hliam emaw an rilru tihnat tuma hmala kan nilo. Mi ropui hi kan zah em vanga hetia tarlang hi kan ni. Rimtui ngaina leh thlai chauh eimi te leh dikna leh hmangaihna zawngtu tan chuan Gandhi-bolt hi duhthusama ṭha a ni' tiin a sawi.

Hetih lai hian Connecticut (US) hmuna siam Gandhi-bolt hi khawvel hmundanga zawrh tura siam a ni lo thung.