US in hrekbelhna a siam hi huatna vang a ni - N.Korea

N.Korea chuan tunhnaia US in an ram hrekna a siam belh chu inhuatna leh inhnuaichhiahna mai a nih thu nimin khan a sawi.Sony Pictures Entertainment company khawl khawihchingpen a nih avanga Washington-in Pyongyang thil tih nia a puhna kal zelah U.S. President Barack Obama chuan tunhnai khan N.Korea sorkar hrekna a siam belh a ni.

Hemi chungchang hi sawiin N.Korea sorkar thupuangtu chuan "US in hrekna a siam belh chu N.Korea thawchhama siama, ṭanchhan mumal nei chuang si loa inpuhmawhna mai a ni; N.Korea mipuite thinglung a tikhauhin, ram himna atan inpumpekna a thlen deuh deuh zawk ang" a ti.

"Hetianga chatlak miahloa White House in N.Korea hrekna a siam belh hian huatna leh kan laka a rilru chhiat zia a paihbo lo a ni tih a lantir chiang hle a ni" a ti.