Nepal-ah Vur tawlhin tlanglawnte a hnawl

Zirtawpni kal ta khan Nepal hmarthlang lama awm Annapurna region-a vur a sur hnem avanga vurtawlhin tlanglawn mi tam tak a hnawl.

Vurin a hnawl tak tlang­lawn zingah hian South Korea leh China mi an tam ber tih Nepal police-te chuan an sawi. Inrinni liam ta khan tlanglawn mi 200 chuang an chhanchhuah tawh thu leh mi paruk vel chhanchhuah loh an la awm thu an sawi bawk.

Chhanchhuah hna hi Nepal police leh sipai-te chuan an thawk a, vurin a hnawl tak te hi sipai helicopter hmanga chhanchhuah an ni. Mahse vur sur hi a la nasat avangin duh anga hma lak chak a har thu Deputy Superintendent of Police Raj Kumar chuan a sawi. 

Vur tawlhna hmun hi Annapurna huamchhung a ni a, kum tinin Annapurna hmun hi Asia ram tlanglawn mi tam takin an tlawh ziah ṭhin a, helai hmun aṭang hian Himalaya tlangsang mawi tak takte chu an thlir ṭhin a ni. Kum 2014 khan Nepal-ah hian vur nasa takin a tawlh tawh bawk a, khami ṭum khan mi 40 vel thi a ni.