NKorea hotuin model village tichhe turin thu pe

North Korea ram hotu, Kim Jong-un chuan dollar maktaduai tel senga siam, Pyongyang-a model village chu tichhe turin thupek a tichhuak.

Model village hi Kim Jong-un-an a tihlum tir tak, a pu Jang Song-Thaek kaihhruaina hnuaiah Pyongyang Folk Village hi siam a ni a, Kim hian he thil hian a pu a hriatchhuah tir ṭhin avangin tihchhiat a duh ta nia sawi a ni.

Pyongyang Folk Village hi kum 2012 khan siam zawh a ni a, awmna hi ram acre 500-a zau niin, Pyongyuang khawpui chhunga building hrang hrang leh hmun hmingthang lem te sak tel a ni. Mahse he hmun hi a kalpelh apiang a, a pu a thah tir tak a hriatchhuah tir ṭhin avangin Kim hian tihbo a duh ta nia sawi a ni. Hei vang hian rorellai communist party pawhin model village tihlarna tur brochure siamte pawh an tichhe vek tawh bawk.