Orlando club beitu nupui thubuai siamsak tum

Orlando, Florida-a Pathianni zinga gay nightclub-a silai pawngkah a, mi 49 kaphlumtu Omar Mateen-a nupui, Noor Zahi Salam chuan a pasal thil tih tum hi a lo hre lawk nia sawi a ni a, thubuai siamsak a nih thuai rin a ni.

Noor Salam-i hian a pasal-in pawikhawihna rapthlak tak thlen a tum hre chunga thuneitut a hriattir loh avangin, prosecutor chuan mi 49 thahna thubuai leh mi 53 thah tuma beihna thubuaiah tualthattua puitua puhna te, thuneitute hnena thil awmdan hriattir duh lo leh dawt hrilha puhna thubuaite siamsak an tum.

NBC News chuan Salman-i hian federal agent-te hnenah a pasal chu pawikhawihna thlen lo tura a thlem thu a hrilh a, mahse FBI hnenah a pasal chuan a thil tum chu hlenchhuah a tum em avangin amah ngeiin Pulse nightclub-ah motor-in a hruai niin a hrilh leh a ni. Slai mu a lei lai pawhin a awm ve niin a sawi bawk.

Pulse nighclub neitu, Barbara chuan tualthattu Mateen hi nightclub-ah a kal ve fo ṭhin nia sawi chu thu dik lo a nih thu a sawi. Report ṭhenkhatin Mateen hi mahni anpui kawp ṭhin nia an sawi pawh thu dik a nih a rin loh thu a pa, Seddique Maten chuan a sawi bawk.