Pawisa thuhruk tum Argentina minister hlui man

Argentina public works minister hlui, Jose Lopez chu monastery-ah pawisa fai tam tham tak thuruk a tum avangin police-ten an man.

Buenos Aires bula 'Our Lady of the Rosary of Fatima monastery' kianga chengte chuan Thawhlehni zing khan thuneitute biain, monastery bangah mi pakhatin bag a vawm lut an hmuh thu an hrilh. Police-te kal nghalin, bag vawmluhtu hi Jose Lopez a ni tih hriatchhuah a ni a, .22 caliber rifle a kawl avangin an man a ni. A hnuah police-te chuan a bag vawmluhte hi endikin, pawisa fai tam tham tak leh sana chi hrang hrangte an hmu ta a ni. Pawisa ṭhenkhat chu monaster choka leh a motor-ahte hmuh a ni bawk.

Buenos Aires Province Security Minister Cristian Ritondo chuan Lopez hi police-ten an man hian a chiai hle tih sawiin, police-te chu sum hmanga tham a tum niin a sawi. Lopez chu chhui chian mek a nih thu a sawi bawk.

Mahse Lopez hian monastery tana sum a thawh tur chu police-te chuan ruksak an tum niin monastery-a nun-te chu a hrilh a ni. Sum an mansak zat chiah hi sawilan a ni lo a, mahse media lam chuan dollar maktaduai sarih vel niin an sawi. Heng sumte hi dollar, yen, euro leh ramdang pawisa-te an ni.