Israel-in an puhna pha

Israel chuan West Bank tana tui supply titawp nia an puhna chu a pha.

Palestinian ram a luah mek, West Bank leh Gaza Strip-ah tui supply tu, Mekorot chuan Muslim-ten Ramadan thla an hman laiin a tui supply a titawp a, mipuiten harsatna nasa tak an tawk nia sawi a ni. Mahse Mekorot company chuan hei hi thu dik lo a nih thu sawiin, West Bank-ah hian tui indaihlohna a nasat avang≠in an tui supply chu ṭum dang aiin an titlem zawk mai niin a sawi.

Company chuan dan pangngaiin hna pawh an thawh chhunzawm reng thu an sawi a, mahse an tui pek chhuah theih hi ṭum dang aiin a tlem zawk chauh a ni, a ti. Thuneitute chuan water sector tihchangtlunna tur master plan pawh an pawm tawh tih sawiin, hemi hmang hian West Bank-a chengte mamawh ang zat tui pe chhuak thei tur system an siam dawn tih a sawi bawk.

Palestinian NGO, Palestinian Hydrology Group executive director chuan Muslim-ten Ramadan an hman mek laiin, Palestinian ramchhung hmun tam taka tui pek chu tihtawp a ni a, hmun ṭhenkhatah phei chuan ni 40 chuang tui an dawng tawh lo niin a sawi a ni.

West Bank-a Israel military coordinator chuan Palestinian thingtlang khaw hrang hranga tui supply-na pipe chu a puak a, hei vang hian mipuiten tui lamah harsatna an tawh phah niin a sawi. Tui pipe chhia hi Israel administration team chuan theihtawp chhuahin an siam a, an siamṭha thei tawh niin a sawi bawk.