Mediterranean-ah Egypt thlawhtheihna tla them chhar

EgyptAir thlawhtheihna Fligth MS804, May 19-a Paris aṭanga Cairo pana a thlawh laia tla chu hun rei tak zawn a ni tawh a, nimin zing khan thlawhtheihna tla them eng emaw zat chu Meditteranean tuipuiah chhar a ni.

Fligth MS804 hi Meditteranean tuipui chunga a thlawh lai hian biak pawh theih lohin a awm a, hei vang hian tuipuiah hian a tla nia ringin, thlawhtheihna leh lawng hmangin ngawrh taka zawn a ni. He hlawhtheihnaah hian mi 66 an chuang a, a tlak chhan hi hriat a la ni lo.

Tun thla tir lam khan search team chuan flight black box pakhat aṭanga signal pekchhuah chu an man fuh a, mahse an la zawng hmu lo. Singal pekchhuak hi June 24 hian a tawp dawn niin expert-te chuan an sawi.

Thlawhtheihna hi khawl lam chian loh vanga chesual a ni mai thei nia sawi a ni. Biakpawh theih loha a awm hma lawk hian toilet leh cockpit hnuaia avionics area-ah meikhu chhuak a awm nia sawi a ni.