US-in Ukraine puih nan dollar mtd 220 pe dawn

US chuan kumin chhungin Ukraine ram ṭanpuina atan dollar maktaduai 220 a pe dawn.

US Vice President Joe Biden chuan Nilaini khan Ukraine Prime Minister Volodymyr Groysman chu telephone-a biain,
ṭanpuina pek an tum thu hi a hrilh. Hei bakah hian PM Groysman-an an ram siamṭha tura a hmalakna te an thlawp thu a hrilh bawk. Joe Biden hian Ukraine khawchhak lama Russia thlawpa inlakhran duha helte chungchang pawh a sawichhuak a, helho nena inkahhai an lo puan tawh chu zawm turin Ukraine sorkar chu a ngen bawk. Hemirual hian Russia laka hrekna an siam mek chu inremna hi a zawm ve a nih loh chuan an hlip dawn lo tih a hrilh bawk.

Russia-in Ukraine khawchhak lama Crimea bial a lak hnu khan, US leh EU chuan Russia hrekna hi a lo siam tawh a ni.