Kenya khawpuia In chimah mi pahnih an thi

Pathianni khan Kenya khawpui Nairobi-a in chhawng ruka sang chim­ah mi pahnih an thi a, mi tam takin hliam an tuar tih thuneitute chuan an sawi.

Nimin khan thuneitute chuan inchim hnuai aṭang hian nungdamin mi 28 an la chhuak a,mi engzatnge tang la awm hriat a la nilo tih an sawi. In chimna hi Nairobi-a Haruma chenna bulah a ni.

Kenya rama Red Cross te chuan mi pa­hnih in nunna an chan a,midang 38 te chuan hliam an tuar tih sawiin nimin zing thleng khan chhanchhuahna hna hi chhunzawm a ni an ti.

In hi Pathianni,an ram sanaa zan dar 7 vel khan a chim a, chhanchhuahn hna hi police,thuneitute leh medical team ten an thawk nghal a ni.

Nairobi khawpuia FM Radio hnena Nairobi county official Tom Odongo sawi danin in chhawg ruka sang hi luah vek a ni a,a chhawng sarihna hi sak mek anih tih a sawi.

Tom Odongo chuan a chung ber hi hmanhmawh taka sak a nih vangin a hnuai a delh rit lutuk a; tin, thuneitute hnen aṭangin sak phalna an nei lo hrim hrim a. Diklo hmasa chu a satute an ni, sorkar lam a ni lo a ti.

Eric Ochieng, in chim­a cheng chuan " In chim lai hian Arsenal inkhel en turin ka chhuak tawh a;hman hmawh taka tlan letin ka nupui leh fa te bakah midang ka pawtchhuak a ni" a ti.

Kenya rama KTN news channel chuan ambulances 20 te chu a bul­ah hian inralrin tir reng a nih thu an puang. Inchim hi primary school leh mihring chen tamna dang in si in a awm a ni.