Aigupta lalnu Queen Khentakawess III thlan hmuchhuak

Egypt rama Archaeologist te'n hmanlaia an lalnu thlan ni ngeia hriat an laichhuak tih Egypt thuneitute chuan an sawi.

Thlan hmuhchhuahna hmun hi Egypt khawpui Cairo aṭanga chhim thlang lam Abu-Sir ah a ni. He thlan hi kum 4500 kaltaa roreltu Pharoa Neferefre nupui emaw a nu a nih an ring.

Egyptian Antiquities Minister Mamdouh el-Damaty chuan lalnu hming Khentakawess hi thlan chhung banga a inziak an hmuh thu a sawi. Damaty chuan hei hian Khentakawess III anih theih thu sawiin thlan hi Pharaoh Neferefre phumna sirah an hmuhchhuah thu a sawi.

Thlan chhungah hian bungbel 30 vel hmuh a ni. Czech Institute of Egyptology mission hotupa Miroslav Barta chuan an hmuh­chhuahna hmun hian Pharoa nupui a nih a tirinawm lehzual tih sawiin chinai lung leh dar sena siam bungbel 30 vel an hmu tel tih a sawi.

Damaty chuan Lal inthlah­chhang zel pangana chungchang kan hriat belh phah thei dawn a,hei hian lal inthlah chhawnga roreltu palina (fourth dynasty), pyramids pakhatna dintute pawh a tifiah dawn a ni a ti.

Thlan hmuhchhuahna khua Abu-Sir hi hmanlai Egypt ho khawpui, Memphis-a chengte thlanmual hlui a ni.