US drone-in Waziristan bialah Taliban paruk a tihlum

6th January, 2015

US drone kahchhuah chuan Pakistan-a tlangmite chenna bial Afghan ramri lam hnaih North Waziristan-ah Taliban firfiak paruk zet a tihlum tih thuneitute chuan an sawi.

Helai biala beihpui thlakna chhan ber chu Taliban hotu chenna hmu khawichhiat a ni tih thuneitute hian an sawi bawk. Senior security official sawi danin US drone te hian missile ṭum hnih an kapchhuak a, lirthei leh North Waziristan-a Alwara Mandi chenna hungchhung a deng a, firfiak paruk an thi a ni.

Nikum June thla aṭanga North Waziristan biala beihpuih thlak aṭang khan firfiak 1700 zet thah an ni tawh a,Pakistan hian Peshawar school naupang te rawng taka thah an nih aṭang khan firfiakte lakah beihpui an thlak ve tawh bawk a ni.