Kurdish fighter-te'n IS firfiakte an nawr let
Kurdish fighter-te chuan Syria rama Kobone khua chu Islamic State (IS) firfiakte kut aṭangin an la let leh a, ramri bula khaw pawimawh tak hi 80% vel chu Kurdish fighter-te kutah a awm leh tawh niin monitoring group chuan a tarlang.
Syrian Observatory for Human Rights chuan, "People's Protection Units (YPG) chuan he district la let tur hian firfiakte chu thla li dawn an bei tawh a ni," a ti. Pathianni zan khan nasa takin an inbei leh a, hemi hnu hian Kurdish fighter-te chuan khawpui chhunga hmun pawimawhte chu firfiakte kut aṭang hian an la let leh ta a ni.
US kaihhruaiin ṭangrual pawl chuan Turkey ramri bula IS te inkhuarna khua chu ṭum thum an kap bawk a, IS member 14 an thi nia hriat a ni.
Kum 2014 September thla laihawl aṭang khan IS-te hian Kobane khua hi lak tumin an bei a, khawpui hi an thununna hnuaiah an dah hman ṭhelh a ni. Mahse Kurdish fighter-te chuan ṭangrual ramte puihna nen na takin an bei let a, firfiakte ram lak hi an la kir leh thei ṭan a ni. He khua hi ramri bula awm a nih avangin a pawimawh hle a, hei vang hian firfiakte pawh hian an thuneihna hnuaia dah ngei tumin an bei nasa hle.