US House Speaker atan John Boehner thlang nawn

US House of Representative Speaker atan Republican John Boehner chu Thawhlehni khan thlan nawn a ni a, kum hnih chhung Speaker hna a chelh ang.

Speaker thar tur thlannaah hian Ohio state aiawh, Boehner hi a awmna party, Republican party aṭang leh Democrats aṭangin chuhpuitu awm mah se, a term hnihna atan thlan tlin leh a ni.

Vote thlaknaah hian Boehner hian vote 216 hmuin, Democratic Leader Nancy Pelosi chuan vote 164 a hmu a, Representatives Daniel Webster chuan vote 12 a hmu a ni.

Thawhlehni vek khan Utah state Representative, Mia Love chuan thlan thar midang 52-te nen US House member atan lakluh an ni a, Love hi Republican Respresentative zingah mihang hmeichhia hmasa ber a ni. Saratoga Springs mayor hlui niin nikum November thla khan Utah 4th district aiawh tura thlan tlin a ni.