Yemen khawpuiah bomb a puak

Yemen khawpui, Sanaa-a police college pawn lamah nimin khan bomb na tak a puak a, mi 10 chuang an thih bakah mi dang eng emaw zatin hliam an tuar.

Car bomb hi zirlai awmkhawmte awmna bulah tihpuah nia sawi a ni.

Kum 2011-a Yemen President aṭanga Ali Abdallah Saleh paihthlak a nih aṭang khan Yemen ramchhung boruak hian ngai a la awh thei lo a, tualchhung buaina a la thleng reng a ni.

Nimina bomb puak hi eng pawl mahin an tih niin an la chhal lo a, mahse al-Qaida in the Arabian Peninsula (AQAP) a tel, Islam firfiakte'n tunhnaiah Yemen ram chhung hmun hrang hrangah pawikhawihna an thlen fo avangin an inrawlh rin a ni.

January 1 khan Yemen ram laili-a Ibb khawpuiah thihchilh bomb tihpuah a lo ni tawh bawk a, mi 26 in an thih phah a ni. Bomb tipuaktuin a bitum berte hi nikum September thlaa he khawpui lo la tu, Houthi Shi'ite Muslim te an ni a, anni hian ram lak belh tumin hma an la mek a ni.