NKorea-in foreign minister thlak

North Korea chuan an ram foreign minister Ri Yong Ho a thlak niin Seoul-a NK News chuan a tarlang. Ri thlaktu hi puanzar a la ni lo a, tunkar Ningani hian an puan rin a ni. 

North Korea affairs incharge, South Korea unification ministry chuan Ri thlaktu tur chungchang hi uluk taka zirchian a ni dawn tih a sawi. Kum 1956-a piang, Ri hi Organization and Guidance Department (OGD) deputy director hlui, Ri Myong Je fapa a ni. A pa hi rorellai Wor­kers' Party tana mi pawimawh tak niin, NKorea propaganda chhuahtu, Korean News Agen­cy (KCNA) editor a ni bawk. 

University of Foreign Languages-a zir chhuak Ri hi English pawh thiam tak niin, khawthlang ramte  nena an indawrna kawngah pawh chanvo pawimawh tak tak a lo chelh tawh ṭhin. Kum 2003-2007 chhung khan NKorea ambassador niin London-ah a awm a, NKorea nuclear program chungchang six-party talk hnenah an ram aiawhtu a ni.