Canada-in raltlan lakluh belh dawn

Canada chuan Syria leh Iraq ram tualchhung buaina avanga raltlan luh a phalsak zat chu tihpun a tum.

Canada hian kum thum chhung­in Syria raltlan 10,000 leh kumin chhungin Iraq raltlan 3,000 an ramah luh a phalsak dawn tih a sawi a, heng mite khawsak dan leh awmna tur lo buaipui tur hian private organization, a bikin kohhran pawl hrang hrangte a beisei dawn a ni.

Immigration Minister Chris Alexander chuan sorkar hmalak tumna hi puangin, Syria leh Iraq mi, dinhmun harsa taka awm mekte tana thil dik tak ti an ni tih a sawi.

Canada ramah hian kum 2013 kum laihawl aṭang khan Iraq aṭangin raltlan 20,000 leh Syria aṭangin 1,060 a lo dawng tawh a, Syria raltlan luh tuma dil 1,275 vel an awm mek bawk. Canada sorkar hian Iraq leh Syria ram tual­chhung buaina tuartute ṭan­-

puina turin dollar maktaduai 90 a pek tur thu a puang bawk. Ṭanpuina sum hi UN agency, Red Cross leh chhamdawltu pawl dangte kaltlanga pek a ni ang.