Boko Haram-te'n Nigeria khaw 16 an bei leh

Nigeria ram helpawl, Boko Haram te chuan kar kalta kartawp lam khan an ram hmar­chhak lama sipai hmun pawimawh tak an la a, hemi hnu hian thing­tlang khaw 16 beiin mi 100 chuang an that.

Nilaini khan helho hian Borno state chhunga khaw hrang hrang beiin, in te an hal sak a, an mi thah zat chiah hi hriat­chian theih la ni lo mah se mi 100 an chuang nia sawi a ni. Mi dang tam tak, helho hlaua tlan­chhiate chu Lake Chad thliar­­karah an tangkhang mek nia sawi a ni bawk.

Nigeria President, Goodluck Jonathan chu helho hluar zel a dan theih loh avangin sawisel a hlawh hle. Nigeria sipaite chuan helho bei let turin ralthuam leh silai mu thlengin an indaih lo nia sawi a ni. Hetihlai hian helho hian ralthuam tunlai ber berte an nei thei thung a, rocket-propelled grenade leh tank thlengin an nei a ni.

Boko Haram-te hian thla ruk kalta aṭang khan Nigeria hmar­chhak lama khaw 20 chuang zet an la tawh a, Niger, Chad leh Cameroon ram nena an inri-na, Bordor border-te pawh an thuhnuaiah an dah tawh a ni.