Croatia President thlan nawnna neih a ni

Croatia President thlanna second round chu Pathianni khan neih a ni a, candidate pahnih Ivo Josipovic leh Kolinda Grabar-Kitarovic te an inbitum.

President thlan thawh khatnaa tling tura vote hmuh ngai zat hmu pha an awm lo a, vote hmu sang pahnih Josipovic leh Grabar-Kitarovic te'n inthlan thawh hnihna hi an hmachhawn leh ta a ni. Josipovic hian inthlan thawh khatnaah vote 38.5% a hmu a, Grabar-Kitarovic hian 37% a hmu.

Rorellai candidate, Josipovic hi kum 57 mi niin, law expert leh classical composer a ni a, kum 2010 aṭang khan Croatia President a ni. A khingpui, Grabar-Kitarovic-i hi kum 46 niin, foreign minister hlui leh Nato secretary general assistant hlui a ni. Grabar-Kitarovic-i hi centre-right opposition party HDZ nominate a ni a, thlan tlin a nih chuan Croatia rama hmeichhe president ni thei hmasa ber a ni ang.

Croatia hi European Union member thar ber niin, kum 2013 July thla khan a zawm a ni.