Russia court-in Navalny nupui manna tur thupek ti chhuak

Russian opposition leader Alexei Navalny nupui, Yulia Navalnaya chu Moscow-a Basmanny district court chuan man turin thupek a ti chhuak. Yulia Navalnaya hi Russia ram pawna a awm avangin Russia-a a let leh hunah chauh an man thei dawn thung a ni.

Alexei Navalny hi Russia president Vladimir Putin sawisel nasa tu ber niin kum 19 lungin tang tura a chungthu relsak a ni a, lung-ina a awm lai hian kumin February thla khan a thi a ni. Thuneitute chuan Navalny thih chhan hi dam lohna vang a ni tiin thildang erawh an sawi thui lo thung. Heng a nih vang hian a nupui, Yulia Navalnaya chuan a pasal thih chhanah hian Putin chu puhin a pasal hmalakna chu chhunzawm a tum thu a sawi bawk.

Yulia Navalnaya chuan court thuchhuah hi chhang letin, Putin zawk chu man ngai a nih thu a sawi a, a thupuangtu Kira Yarmysh chuan court thuchhuak chu Navalnaya thil tihṭhat pholangtu a ni, a ti bawk. German Chancellor Olaf Scholz pawhin court thuchhuak chu sawiselin, zalenna leh mipui sorkar nuai bo tumna a ni tiin Yulia Navalnaya chuan a pasal hmalakna chu ṭha takin a chhunzawm tih a sawi.