Mali-a CNSP hruaituin West Africa bloc palaite hmu

Sipai chakna hmanga Mali President Ibrahim Boubacar Keita leh a kaihhruai sorkar paihthlatu, National Committee for the Salva­tion of the People (CNSP) hotu, Colonel Assimi Goita chuan Inrinni khan Economic Community of West African States (ECOWAS)  palaite hmuin, Mali rama civil sorkar din a nih turte an sawi. 

ECOWAS palaite hi Mali khawpui Bamako-ah kalin Colonel Goita hi minute 90 chhung meeting neihpui an tum a, mahse minute 20 lek hnuah an meeting hi an titawp zui a ni. President paihthlak a nih hnuah CNSP hian an ram rorelna hi an thunun zui a, civil sorkar a din lehtna turin inthlan buatsaih thuai an tiam.