Khawvela mipa upa ber nia sawi a thi

Khawvela mipa damlai zinga upa ber nia sawi, mahse official-a pawm ni lo South Africa mi Fredie Blom chu Inrinni khan kum 116 mi  niin a thi. 

Blom hi South Africa-a Eastern Cape province-a Great Winterberg bula thingtlang khua, Adelaide-ah kum 1904, May 8  khan a piang. Khawvela mipa damlai zinga upa berah chhal a ni a, mahse a document hi Guiness World Records-in a enfiah sak loh avangin official-a puan erawh a ni ta lo a ni. Rawlthar mai a nih laiin a chhungte chu Spanish Flu leng vangin a chan vek a ni. 

Kum 2018-a BBC-in a kawmnaah a damreina chhan chu Pathian khawngaihna vang chauh niin a sawi. Blom hi farm leh construction industry-ah thawk ṭhinin, kum 80 a tlin hnuah a chawl ve chauh a ni. 

Kar hnih liam ta khan thingte pawh a kit peih a, mahse ni thum chhung lek dam loin a boral zui ta tih a chhungte chuan an sawi.