Croatia President atan Grabar-Kitarovic

Croatia ram President thlan thawh hnihna neih zawh takah eptu pawl candidate, Kolinda Grabar-Kitarovic chu thlan tlin a ni a, Croatia ram hmeichhe President hmasa ber a ni.

Pathiannia inthlan thawh hnihna neihah hian candidate Kolinda Grabar-Kitarovic leh President ṭanglai Ivo Josipovic an awm a, Grabar-Kita­rovic hian vote tla aṭang­in 50.54% a hmu a, Presi­dent Josipovic hian 49.46% a hmu. Grabar-Kitarovic hi vote 21,000 vel chauhin a chak a ni.

President thar tura thlan tlin, Grabar-Kitarovic hi foreign minister hlui niin, US-ah ambassador hna leh, NATO secretary-general assistant hna pawh lo chelh tawh a ni. Inthlan hma pawhin an ram mipui­te chuan hruaitu thlak an duh tawh avangin a chak ngei dawn niin a lo sawi tawh a ni. Inthlan dawna a campaign-naah Grabar-Kitarovic hian President Josipovic hi a bei na hle a, an ramin sum lama harsatna a tawh mek siamṭhat tuma hma la lo-ah a puh a ni. Croatia ramah hian hnathawh nei lo 20% vel an awm mek a, hei hi EU ram zingah a sang ber pawl a ni.