SKorea President-in North hruaitu nena summit neih duh

South Korea President Pary Geun-hye-i chuan intiamkamna engmah awm loin North Korea hruaitu, Kim Jong-un chu summit neihpui a duh thu a sawi a, a rawtna hi chhang thuai turin NKorea chu a nawr nghal bawk.

Nimina news conference a neihnaah, Park-i chuan Korean peninsula muanna chungchanga inbiakna neihah NKorea nuclear program tihtawp dan chu an ngaih pawimawh tur a ni tih a sawi.

Park-i chuan, "Ka inṭhenhranna boruak ṭha lo tak hi tihreh a, inlungrualna ṭha tak a awm ka duh a, hemi atan hian tupawh kawm leh biak ka inhuam a ni. A ṭangkai dawn a nih chuan North lam nena summit neih pawh hi ka inpeih a ni," a ti.

Kum 1950-53 Korean War a tawp hnuah pawh Korea ram pahnihte hi an inbei chhunzawm reng a, ram pahnihte ramri-a sipai dahte hi makta­duai 1.8 chuang an tling a ni.