US leh a thurualpuite'n IS lakah beihpui thlak chhunzawm

US leh a thurualpui ramte chuan Syria leh Iraq-a Islamic State (IS) firfiakte lakah beihpui an thlak chhunzawm leh niin US Defence Department chuan a sawi.

Syria rama IS hmunte chu thlawhtheihna hmangin ṭum 10 an bei leh a, IS fighting position 15, tactical unit pakhat, shipping container pakhat, motor leh thil supply na hmunte an kahchhiatsak a ni.

Iraq rama beihpui an thlaknaah IS unit lian pathum, building pali, tactical unit pali, motor pasarih leh lawng te 12 an tihchhiatsak bawk.

US kaihhruaia Iraq-a IS laka beihpui thlaknaah hian Iraq, Australia, Belgium, Britain, Canada, Denmark, France leh Netherlands-te an tel a, Syria-a beibpui thlaknaah hian Syria bakah Bahrain, Jordan, Saudi Arabia leh United Arab Emirates te an tel bawk.