Egypt President hlui dam chhung tang turin hrem

Egypt President hlui, Mohammed Morsi chu enthlatua puhna thubuaiah thiam loh chantirin, dam chhung tang tura hrem a ni.

President hlui hi Qatar hnena document pawimawh eng emaw zat pe rutu zingah puh a ni. A ukil chuan he thubuaiah hi chuan thiam chantir a ni tih a sawi a, mahse dan kalh pawl hruaiah puh a ni thung.

Enthlatua puhna thubuaia inhnamhnawiha puh midang paruk pawh thiam loh chantir an ni a, an zinga pahnih, al-Jazeera journalist-te chu thi tura hrem an ni. An thubuai ngaihtuah a ni lai hian journalist pahnihte hi court-ah an awm lo. Thiam loh chantirte hian an vaiin court sang zawkah an appeal leh thei dawn a ni.

Kum 2013-a Egypt President aṭanga Mohammed Morsi paihthlak a nih hnu hian thubuai eng emaw zat siamsak a ni tawh a, a party Muslim Brotherhood thlawptu za tel chu sorkarin thar hnuaiah man an ni tawh bawk. Morsi hi thubuai siamsak dangah thi tura hremna bakah, dam≠chhung tang tur leh kum 20 tang tura hremna te pek a lo ni tawh a ni.