Myanmar-in office hawng turin ILO ngen

Myanmar sorkar chuan an rama office hawng turin International Labour Organisation (ILO) hnenah a ngen niin Confederation of the Trade Union of Myanmar (CTUM) chuan a sawi.

CTUM chairman U Maung Maung chuan he ngen≠na hi tihhlawhtlin a nih chuan hnathawktute harsatna tawh tam tak chu chinfel a ni thei dawn a ni, a ti. ILO Country director hi kumin kumtawp lamah an ruat hman a beisei thu a sawi bawk.

ILO hia Myanmar ramah hian liaison office a nei a, he office hian Myanmar rama helhoin an pawl sipai tana kum tlinglo an lak ṭhinte tihtawpna tura lamah a insawrbing deuh a ni.

Sweden sorkar chuan nimin khan Mynmar rama United Nations Development Program (UNDP) hnathawh puihna turin Swedish krona maktaduai 30 a pe. He ṭanpuina sum hian hmasawnna tura hna thawhna atante hman a ni ang. UNDP hian Myanmar rama local government-te tihchangtlunna turin a pui
ṭhin a ni.