Sangha mantute kâpah China-in Indonesia a puh

China sorkara Foreign Ministry chuan Natuna islands-a Indonesia nena tuipui an inchuh mekah Indonesia navy-te'n Chinese sangha mantute an kap a, mi pakhat a hliam bakah, mi eng emaw zat an hreng niin a tarlang.

China Foreign Ministry chuan, June 17 khan Natuna islands-a mi eng emaw zatin South China Sea-a Borneo vaukam hnaih lamah sangha an man lai Indonesia navy-te'n an k‚p a, an man chu an dem thu a puang a, "Indonesia lawng sipaite chet danah China a lawm lo hle a ni," a ti.

China sorkarin thuchhuak a neih hma hian Indonesian navy-te chuan China flag int·r lawng eng emaw zat chu an k‚p a, mahse, hliam an awm lo niin an sawi.

China sorkar hian South China Sea chhunga thliarkarte chu a ramah ngaiin, thil chi hrang hrang a lo tihsak tawh a; chutih laiin, Natuna islands leh a bul hnai vel chu Indonesia taah a ngai thung nia sawi a ni.