Russia rama dilah naupang 14 tla hlum

Pathiannia thlipui tleh avang≠in Russia ram hmarchhak lam, Finland nen an inrina bula Lake Syamozero-a chawlh hmangtu naupang 14 chu dilah an tla hlum.

Lake Syamozero hi mi tam takin kar tawpa chawlh an hman ṭhinna hmun a ni a, Inrinni leh Pathianni kal ta pawh khan mi
ṭhahnem takin chawlh hmangin, intihhlimna hun an hmang a ni. Chutih lai chuan thlipui na takin a nuai a, dila lawnglenga chuang mek naupangte zinga 14 chu an thih phah a ni.

Russian Investigative Committee thupuangtu Vladimir Markin sawi danin, Lake Syamozero chawlh hmangtu tam zawk chu Moscow aṭanga kal an ni a, chhiatna thlen hnu lawkah chhanchhuah hna thawh nghal niin, naupang thi ruang 14 an hmu chhuak a; an vaiin kum 12-14 inkar an ni.

Hetih lai hian, naupang eng emaw zat chu nung dama chhan≠chhuah an ni thung a; mahnia vaukam lama hleuh chhuak thei eng emaw zat an awm bawk.

Dil chunga lawnglenga an chuan lai hian naupangte chu life jacket h‚ktir an ni lo tih naupangte dikna chanvo humhalhna lama thawk Pavel Astakhov chuan a sawi.

He thil thleng avang hian camp staff-te chu thu zawhfiah atan thuneitute'n an la a ni.